கொஸ்வத்தை பொலிஸ் பிரிவுக்குட்பட்ட வீடொன்றில் இயங்கி வந்த சூதாட்ட நிலையம் ஒன்று பொலிஸாரினால் சுற்றிவளைக்கப்பட்டுள்ளது. கொஸ்வத்தை பொலிஸ் பிரிவுக்குட்பட்ட போத்தலேகம பிரதேச வீடொன்றில் மிகவும் இரகசியமான முறையில் நடத்திச் செல்லப்பட்ட சூதாட்ட நிலையமே இவ்வாறு பொலிஸாரின் முற்றுகைக்கு உட்படுத்தப்பட்டுள்ளது.
இந்நடவடிக்கையின் போது அவ்வீட்டில் சூதாட்டத்தில் ஈடுபட்டிருந்த எட்டுப் பேர் கைது செய்யப்பட்டுள்ளதாக பொலிஸார் தெரிவித்தனர். இவர்கள் நீண்ட நாட்களாக இவ்வாறு இந்த சட்டவிரோத செயலில் ஈடுபட்டு வந்திருப்பதாகவும், வெளியிடங்களிலிருந்து வருபவர்களும் இங்கு சூதாட்டத்தில் ஈடுபடுவதாகவும் அவர்களிடம் மேற்கொண்ட விசாரணைகளிலிருந்து தெரியவந்திருப்பதாகவும் பொலிஸார் தெரிவித்தனர்.